Kurti: Po të ishte Asociacioni prioritet i serbëve, do ta kishin zbatuar me ata që e kanë nënshkruar

12:31 | 9 Dhjetor 2022
E.H

Në seancën e sotme të Kuvendit të Kosovës, Kryeministri Albin Kurti para deputetëve ka folur për Asociacionin e Komunave me Shumicë Serbe.

Kurti u shpreh se po të ishte Asociacioni prioritet i serbëve, do ta kishin zbatuar, siç u shpreh ai, “me ata që e kanë nënshkruar”.

Ai tha se serbët nuk e duan Asociacionin si vlerë për vete, por si armë kundër Kosovës.

“Po të ishte asociacioni prioritet i tyre, do ta kishin zbatuar me ata që e kanë nënshkruar, është dashur ta zbatojnë në vitet 2013, 2014, 2015, jo ta presin vitin 2020, 2021 e 2022 që unë të bëhem kryeministër për ta zbatuar”, tha Kurti.

“Është shumë e qartë se nuk e duan Asociacionin si vlerë për vete, por si armë kundër Kosovës, nuk është as nevojë e serbëve, por është si armë kundër shtetësisë së Kosovës”, u shpreh tutje Kurti.

 

Shpërndaje në rrjete sociale

Lajmet më të lexuara

Të ngjashme

Foto lajm